李蘊同莊思敏今日著短裙喺旺角街頭宣傳，李蘊著埋黑絲兼露腰，成班龍友圍住狂影。

李蘊之前去美國做嘢，順便同朋友介紹、拍拖幾個月嘅金融男友羅章冠慶祝生日，佢話感受到男友真心同錫佢，唔係因為受情傷先開始。又唔想同台灣舊愛劉謙比較，每次拍拖都諗結婚，想快啲見家長。

問佢點維繫異地戀？佢話：「今次近好多，住廣州，大家有心就抽到時間，冇嘢阻到兩人嘅真心。」