韓國人氣綜藝節目《Running Man》嘅成員李光洙有開通Instagram，但唔算更新得好頻密，不過佢近日就先後上載兩張新相，當中佢仲變身做港女，示範港女式自拍。

光洙今日連環晒舉V相，先上載舉單V，光洙展示腰力，拗腰舉V，加上佢甜美嘅笑容，成個畫面好有少女味，之後佢再上載一張舉雙V嘅相，抄足成龍嘅招牌手勢。

另外，《RM》前成員Gary噚日就孖少女時代嘅前成員Jessica到檳城為音樂騷演出，及後Gary有上載照片同粉絲分享又留言答謝粉絲，見Gary喺現場落力演出，又親民地走下台親近粉絲，親民爆燈。而Jessica同樣好鬼大方，見到馬來西亞粉絲亦有用馬拉話同大家打招呼，而兩人完騷後已於今日離開大馬。