馬會新任現場英語評述員Mark McNamara，已於上星期履新。

看過他的首次call馬的短片，發覺這位澳洲人對香港賽事都頗熟悉，一眼關七兼口齒伶俐。

這天（8日）沙田賽事他又有新新挑戰，就是有兩場泥地賽舉行，相信難不到這位來自澳洲的專才吧！

第二場四班泥地1200米，呂健威馬房「福喜多多」重返泥地值得看好。

此駒於1月尾突然嘗試谷草1200米，無奈當晚排了最外的12檔，惟有刻意搶前減輕蝕位影響。

縱然頭段相當耗力，但依然跑入獎金名次僅以個多馬位落敗，表現絕對不差。

小休之後即重返取三冠兩位的強項泥地1200米，相信會有更好發揮。賽前亦有試閘準備，狀態依然良好，有力爭取本身第四次勝利。

第七場三班泥地1200米，「超能力」當屬正路之選。

此駒跑過三次皆泥地1200米取兩冠一亞，上賽雖敵不過有班底的「紅運大師」，但本身亦拋開其他對手有一段距離，演出相當可取。

這匹四歲馬當銳當打又有內檔之助，條件充份、勝望不低。

撰文：程駿

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》