吳又不認同蘇錦樑昨在立法會指佔領影響香港營商環境,「商家佬都係搵錢箒,唔通大陸人唔落嚟炒樓?印尼、越南暴亂咪又係照投資!」他指全世界只有香港示威「唔爛一塊玻璃、冇人放火」,公民質素備受國際讚賞,認為香港形象反而有所提升。
在灣仔上班的余小姐就直言早上看新聞「睇到喊」,形容香港禮崩樂壞;但她直言不會受毆打事件影響,「越危險越要嚟」。文員簡小姐就指,警方執法有報復心態,要向示威者發洩,毆打無力反抗的示威者,已與黑社會無分別。在中環從事基金工作的鄧先生指,警察未經起訴檢控程序就濫用私刑,將警隊30多年建立理性文明形象破壞,「如果唔克制自己,點可以陀槍上街?」