貝安琪練習瑜伽多年，擁有瑜伽導師牌照，除咗演藝事業，仲可以做星級導師賺錢，產後八星期的她已急不及待重拾瑜伽，自知要積極備戰瘦身復出，日前仲同埋囝囝Sebastian示範親子瑜伽，兩母子靈活互動，囝囝更不斷爆發笑聲，眼仔睩睩十分可愛，原來Simon都係瑜伽高手，真係可以一家人齊齊練習。貝安琪仲私人醒大家幾招瘦腰、瘦腿、瘦手臂動作俾大家參考。

BB出世至今貝安琪都親力親為湊B，手勢熟練，佢希望囝囝可以在自然環境中成長，而自己拒做怪獸家長，BB快樂長大，又大講同BB的趣事，平時自己在家練習瑜伽時，BB都會自己爬上嚟一齊互動。依家為準備全面復工狀態，貝安琪唔捨得都要同BB分開，盡量令自己習慣。

貝安琪同Mandy Lieu份屬好友，大家鬼妹仔同聲同氣，又係瑜伽之友，現轉投好友旗下，貝安琪話：「我哋以前經常合作好好傾，近期冇見佢，佢知道我嚟咗公司，暫時未見到佢，見到就一定會交流下湊B，知道佢都有兩個小朋友，仲收身收得好快好厲害。」會唔會追多個B？貝安琪笑言：「等我收返身先啦，如果唔係再追會好肥，我都同老公講如果你可以懷孕就好喇。」見到貝安琪湊B好熟手，佢話以前喺德國讀high school時候經常做babysitter，所以生BB係佢一個願望。

想隨時獲得更多親子資訊，快啲like Easy PaMa Facebook啦！
https://goo.gl/1qWM8g