日本女星水原希子同BIGBANG隊長G-DRAGON分手後，最近被爆與上位男星野村周平發展姐弟戀。

趁小鮮肉新歡野村周平噚日出席「第25屆TAMACINEMAFORUN電影節」，並於同盛會上舉辦嘅「第7屆TAMA電影大獎」獲頒最佳男新人獎，緋聞女友水原希子原來約咗另一位「新歡」...竇靖童。

水原希子呢排同竇靖童相當老友，上月佢去北京做嘢，當時已約童童去食小龍蝦同牛蛙，日前又齊齊玩潛水，今日就公開食日式燒餅嘅合照，近日童童染咗一頭粉紅色頭髮，同一向型格嘅水原希子越來越合拍，佢哋噚日仲約埋UnitedNude亞太區高層李昊去咗富士山，喺當地旅館宿一宵，水原希子仲拍下童童吹波波，成個大細路咁。