【蘋聞重溫】上年山頂蜜會揭戀情 陳展鵬藍田租樓築愛巢
山頂陳展鵬藍田單文柔
陳展鵬今日宣佈,將會娶細佢13年嘅女友單文柔,兩人仲去到歐洲影婚照。
由大台過檔到亞視發展嘅陳展鵬,曾經同前亞姐冠軍姚佳雯拍拖,重返大台之後,因為屢次同胡定欣合作,被指戲假情真,經常以情侶檔身份出席活動,但約半年前,胡定欣同陳展鵬喺ig互相unfriend。而未婚妻單文柔就係16年落選港姐,未同陳展鵬拍拖之前,星途一般。
至於同單文柔呢段感情,就要數到上年3月《蘋果》率先發現陳展鵬同單文柔喺中環買完外賣,再到山頂談心開餐(新聞連結: http://bit.ly/2x0xaGo )。之後發現陳展鵬原來喺上年情人節,已經訂好花力追。到咗上年7月,有報道指陳展鵬喺藍田以兩萬蚊月租築愛巢,其後單文柔都話有同陳媽媽食過飯。
一年多嘅拍拖時間唔算高調,但兩人每次受訪時都展現幸福笑容,日前有讀者見到兩人喺倫敦旅行,相信就係影呢輯婚紗相嘅行程之一。
精選娛聞,喺晒《娛果》
http://fb.com/appledailyent