現年38歲、被喻為係余詠珊黨嘅前「新聞王子」李潤庭，去年底被踢爆背住空姐老婆Crystal，偷嗒同是空姐嘅人妻Tiffany，令李潤庭事業直插谷底！除咗要開記招公開鞠躬認錯，老婆堅決離婚，仲被大台雪藏，連《東張西望》嘅主播位都冇埋，變成雙失中年漢。(相關新聞﹕ http://bit.ly/2kI6AOa )

最近李潤庭終於解凍，4月正式復工做番《東張》，但仲未可以坐正主播台，要出去跑突發外景，做吓街頭訪問，相隔兩個多月，即偷食後大半年，李潤庭終於重返《東張》主播位。噚晚李潤庭孖住宋熙年一齊做主持，李潤庭喺instagram上載一張錄影廠嘅自拍照，留言﹕「多謝所有陪我走過這段路的您們。」仲hashtag住「感恩」。