「我認識一個婆婆拎緊三千幾蚊綜援，當中花千幾蚊要買不列入藥物名冊的標靶藥，得返千零蚊又點開飯，唔好話老人家，連正常人都好難撐……所以我哋透過NGO及社區中心社工，用專業水平甄選邊類長者有迫切需要。」店長勝子稱，自從表明立場後，生意額不減反增，「聖誕前的每日收入，仲高過傳統新年旺季。」近日有不同公司或善長捐贈果汁、大米、羽絨毛衣等物品，數量多達數百件，希望透過社企派予有需要長者，而夥計同意將貼士全數捐贈作慈善活動，讓更多長者受惠。
勝子稱，公司下一步計劃是開設分店擴大規模，目前已在石硤尾選址及進行裝修，相信明年前可以開業，他正培訓數名手足沖咖啡及拉花，希望他們有一技之長，加入團隊接手新店工作。
團隊數目擴大，除了基本員工，還有一批熱心巿民。從事巿場部的阿思，由光顧膳心小館後，發現派飯活動人數不足，自動請纓幫忙，到場用膳時亦有幫手在餐廳寫菜單，集顧客與義工於一身。
阿思認為：「黃色經濟圈屬起步階段，能力做到，眼前見到就幫手，我作為一名小薯仔，有咩盡做，唔好俾其他嘢影響老人福利。」