汪明荃（阿姐）今日到港台宣傳9月底開鑼的粵劇，她將與丈夫羅家英合演，透露早前完成前列腺切除手術的家英哥下月才正式綵排。問到家英哥恢復狀況，阿姐說：「佢啱啱先去完日本旅行，有個朋友70大壽，請咗好多人一齊去，不過我有嘢做去唔到。佢好好呀，係小便嘅問題，但係佢都習慣咗。」

阿姐表示家英哥懂得照顧自己身體：「佢唔鍾意人哋提佢㗎！佢又真係好夜瞓，我都夜，不過佢好鍾意睇電影，但係佢起得好遲，又係另一種生活囉，佢識照顧自己㗎喇。」阿姐笑言家英哥最近很忙，將接拍兩個廣告，又要到橫店拍劇：「橫店好熱，我探過一次班都唔敢再去。」

提到日前的元朗暴力事件，阿姐坦言：「唔到你唔留意，我一向支持和平示威，任何暴力都唔應該有。我唔想講太多呢啲，希望大家盡快回歸自己嘅工作崗位，盡快回復正常。因為自己又忙緊綵排，都唔想太影響自己情緒，睇到新聞當然會唔開心，點解唔會？全部都係香港人嚟嘅。」再追問社會日漸撕裂，阿姐強調不想再回應：「我唔想講完又引起其他人回應，大家有眼睇㗎嘛。」

採訪、攝影：盧妹

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X