究竟全盛時期嘅「負皮王」梁烈唯，一次訪問可以得罪幾多人?本來已經觀眾緣麻麻嘅佢，早前喺一個訪問裡面幾乎可以一次辣㷫幾個層面嘅網民，包括歷史，法律，宗教，中港矛盾等等話題，佢都有本事句句挑釁網民，所以有高登仔發起杯葛佢代言嘅產品，而「高登瓊姐」更喺fb引述呢個訪問表示:「我正式宣布：梁烈唯係我見過最可悲既藝人。負評王梁烈唯正式向全港網民挑機：我係擦鞋呀，你吹呀?」

回顧下唯唯嘅言論有幾咁挑釁:

1.講向老兵致敬，佢話侵華時期佢哋(個佢哋唔知佢知唔知自己講緊邊組人)落力抗戰，但最後淪陷，唔可以抹殺佢哋嘅影響。(網民叫佢返去查清楚究竟係邊班人抗日)

2.又無啦啦提起耶穌，話如果你係基督徒，如果耶穌死咗，你冇咗成個宇宙，要感恩個世界先會變好咁話。

3.然後又話有班「小朋友」喺佢fb留攻擊性字句，聲言絕對有權利告對方兼100%告得入。(網民又問佢哪裡來的自信同法律知識咁肯定)

4.之後就話覺得香港人去日本買藥，同大陸人去香港買藥冇分別。(網民叫佢分清楚走水貨同自用嘅分別)

5.再之後就嚟「臭蟲論」，話香港人話大陸人喺街邊小便，其實佢都見好多外國人周街小便，仲話「全個世界都有做呢啲嘢」

6.然後又話網民覺得大陸人行為唔好而唔承認自己係中國人，覺得好pathetic(可悲)(被瓊姐恥笑讀成per...fectic)

7.再講敬禮呢個動作係咪擦強國鞋，佢就嚟料話:「你哋實在太膚淺。」話o依家大陸娛樂已發展得非常好唔使人拍馬屁，然後寸爆話:「ok，我今日話比你知我係擦鞋呀，你吹呀?你咁叻你擦比我睇下丫」

8.仲有最辣㷫網民嘅土地問題，佢話:「如果你成日對住個電腦同手機，你一世都買唔到樓啦係咪呀?」


網民點講呢?
「佢應該係嬲到痴q左線」
「做藝人要受大眾歡迎先襟撈上網俾人串兩句就發爛喳
一講野就知你冇料到啦點食呢行飯」

「一個本身膚淺既二打六學講講膚淺」

「返大陸發展啦，香港無市場架啦你」

「一個我感覺唔到有尊嚴既人用一種自以為事既態度嘗試把歪理說成真理試圖將自己過往既行為合理化
其實呢種膚淺先至係可悲p.s.:希望唔好比人告」

「其實我覺得佢好適合返強國拍劇強國成X日拍d抗日劇佢個格同樣好適合做漢奸」
「條X樣最X既係歷史都未搞得清楚邊個幫香港抗日邊個主導抗日」