滙豐控股（005）派發中期成績表，純利按年下跌57%至33.47億美元，派息8美仙，話好差又唔係，話好又講唔上，但「大笨象」股價昨晚在倫敦大升，今日港股料可高開。不過，滙控今非昔比，有平價貨不妨食糊，冇貨唔建議高追。
資源股炒到飛天，其中有色金屬板塊升勢更見精采，閒閒哋升幅都有7%左右，鋼鐵股表現尤其硬朗，鞍鋼股份（347）炒上7%，收報18.82元；馬鞍山鋼鐵（323）亦升6.4%，收6.42元。至於有特鋼之稱的「鎳」，市場上有關股份選擇唔多，最多人熟悉的是前稱「中國特鋼」的中國鎳資源（2889）。