嚟緊下個月11號喺Star Hall開騷嘅Super Girls，今日先喺深水埗舉行預演同Fans玩遊戲及獻唱，噚日仲病緊嘅隊長Aka今日抱病亮相，由於近日頻頻排練，Aka坦言為免傳染畀其他隊友，所以負責任地戴口罩同喺保母車時揀窗口位坐。仲有二十日開騷，佢哋表示已經排咗三份一，主要係歌曲部份。

入行五年，今次開騷終於圓佢哋有男舞蹈員夢，更加係一人一位，Jessica興奮話：「我係第一個見到自己男dancer，好靚仔呀，雖然我對佢無愛意，但望住佢時好尷尬，我平時好少望男仔，要睇多啲男仔相練到唔尷尬。」其餘四人都好期待型男出現，到時喺台上作大膽演出。
攝影：馬建華