【李八方online】警fb出po警告追擊廣告商涉恐嚇 暗示國家領導人係「黑社會」？
蘋果日報 2020/01/08 11:52
梁振英李八方ONLINE香港警察
【新增動新聞】
反送中運動持續咗半年，唔少人都開始用消費嚟表達自己嘅抗爭意向，仲形成埋黃色經濟圈，而藍店就受到抵制，CCTVB更加成為追擊對象。估唔到呢個行為竟然受到警隊嘅「重視」，噚日佢哋特登喺fb出片，指摘有網民發起如果喺某間公司賣廣告，就要抵制或追擊嗰樣產品，雖然畫面截圖打咗格，淨係見到「抵制CC＿ ＿ ＿」，但大家都意會到當然係講緊「CCTVB」啦。
反送中運動持續咗半年，唔少人都開始用消費嚟表達自己嘅抗爭意向，仲形成埋黃色經濟圈，而藍店就受到抵制，CCTVB更加成為追擊對象。估唔到呢個行為竟然受到警隊嘅「重視」，噚日佢哋特登喺fb出片，指摘有網民發起如果喺某間公司賣廣告，就要抵制或追擊嗰樣產品，雖然畫面截圖打咗格，淨係見到「抵制CC＿ ＿ ＿」，但大家都意會到當然係講緊「CCTVB」啦。
警方仲話有人點名威嚇某啲公司要喺限期前停止喺「某間電視台」賣廣告，否則會向嗰間公司發動攻勢，仲形容「呢種手法係黑社會常用嘅滅聲手法，佢哋向商戶施壓，脅逼佢哋就範，煽動仇恨，更加有機會犯法」，涉嫌恐嚇，又話已經有公司報咗警，由商業罪案調查科跟進。
不過聽聽吓，唔知大家有無諗起另一個人呢？要講到數媒體廣告界嘅KOL，「國家領導人」梁振英絕對係代表！佢一直「不遺餘力」咁每日數我哋《蘋果日報》嘅廣告，仲鉅細無遺咁列明邊間公司同賣咗幾大版廣告，再加句「恥與為伍」，唔知呢啲同警方所講嘅「黑社會滅聲手法」、「向商戶施壓」、「煽動仇恨」、「有機會犯法」有無咩唔同呢？
唔止八方咁諗㗎！唔少網民一睇完警方條片，即時摷番689嘅數廣告post，「前線科技人員」仲將「警方接獲報案 有公司遭網上恐嚇不可於某機構賣廣告」嘅新聞，配咗幅689數廣告嘅fb post截圖，跟住表明「支持警方嚴正執法！」㖭呀！