【本報訊】皇仁舊生會夜中學將與義務為基層學生補習的「陳校長義務補習天地」合作，新一年推出十個免學費夜校學額，為有經濟困難的香港中學文憑試（DSE）重讀生，提供完成中學課程的機會。
皇仁舊生會夜中學有60年歷史，校監陸偉雄稱，近年夜校重讀中五學生人數雖減少，但社會對夜校仍有一定需求，「例如有啲人想考地產或保險牌，新移民或細個唔讀書，𠵱家想讀返書嘅人，嚟夜校就可以畀佢哋進修，為佢哋提供第二次，甚至第三次讀書機會，完成中學課程」，陸又指夜校可服務需日間工作的在職人士，亦不問學歷，達至皇仁舊生會夜中學有教無類、回饋社會的辦學宗旨。

視乎有否領綜援

陸稱新學年將預算十多萬元，提供10個免費DSE高中課程學額予「陳校長義務補習天地」的學生，「會視乎需求，睇吓會否加多啲位」。補習天地過往兩屆分別約有200名應屆DSE學生，創辦人陳葒說：「其中有啲學生想重讀，原校未必收，就可以選擇到夜校繼續升學」，又指夜中學提供的免費資助有助解決學生經濟問題，「有啲家人覺得啲學生讀唔嚟、唔想晒錢畀學費，都可以因為呢個完全免費嘅學額而多一次機會」。陳指計劃將按學生是否領綜援或全額學費資助，再決定是否錄取。
皇仁舊生會夜中學每月學費約1,300至1,800元不等，設有中文、英文、數學、通識、企業/會計及財務管理經濟的6個高中夜校科目，上課時間為周一至五晚上6時半至9時半，並由合資格教師教授，為在職人士或學生提供夜校課程。
■記者葉偉東