強颱風「天兔」今日殺到香港，圈中藝人紛紛喺微博「洗版」，其實唔少藝人都要開工，包括忙緊拍無綫處境劇《愛．回家》嘅黎諾懿、李霖恩、張達倫及莊思明等，今午未掛八號風球時，大隊就趕拍外景，不過莊思明表現憂心，佢話：「今日化妝時間係下午5點，仲要係碼頭拍。。現在都未收到取消通知。。心情有d不安添。」

至於陳法蓉亦擔心唔知能否上機，佢話：「打風打風！嘩強颱風『天兔』登陸台灣，香港及廣州等地。。香港今早已宣布下午取消三百多班航班～我星期一能順利上機嗎？」

而丁子高就喺微博貼咗張老婆楊千嬅親手炮製嘅愛心午餐，佢話：「出發前，老婆親手做的愛心午餐！」賣相都幾好啵，丁子高認真幸福呢﹗

龔嘉欣就貼自拍照，佢話：「"天兔"來了，最安全當然是留在家中，希望"天兔""風下留情"不要造成太大影響，因為惡劣的天氣為很多人帶來不便了。」

而前港姐冠軍陳庭欣就貼咗張超市照片，佢話：「帶著兔兔袋跑到超市買定食糧迎“天兔”～排大隊中呢！大家記得快回家去準備防“兔子”措施啊！」