德國《圖片報》禮拜一爆料,披露國際足協一直唔肯全面公開嘅獨立調查報告,指卡塔爾申辦2022年世盃嘅過程涉及貪腐,其中最誇張嘅係,有筆200萬美元(約1,560萬港元)嘅巨款畀咗一位國際足協官員嘅女,而佢個女只係得10歲!《圖片報》仲話,喺投票2022年世盃主辦國嘅大會前,三個國際足協執委搭卡塔爾足總嘅私人飛機去里約熱內盧旅行。呢份德國報章話,佢哋攞哋呢份長達403頁嘅完整調查報告,仲話會嚟緊繼續爆料。份調查報告報告喺2014年完成,但國際足協當時只係公佈咗一份修訂版報告,內容避重就輕,一直唔肯公開全份,激到負責撰寫呢份報告嘅國際足協獨立道德調查員米高加西亞辭職。