黃又南今日喺旺角出席香港陀飛輪手錶品牌萬希泉活動，佢用2年時間為品牌設計「黃又南系列」，以黃爸爸為設計靈感：「屋企人向來係我推動力，就算爸爸生意失敗要還債都無怨，唔通無錢就走左去咩？」。

黃又南透露將會同萬希泉創辦人沈慧林合作做服裝品牌，已自資6位數字：「o依家仲係試驗階段，不過設計都係副業，唱歌同拍戲先係正職。」佢又透露噚日係媽媽生日，已經送錶畀對方。

問佢會唔會為媽媽再設計手錶，黃又南話下個設計會以朋友為題材。不過設計方面會暫緩，因為嚟緊要為兩齣電影同電視劇開工。

精選娛聞，喺晒《娛果》
http://fb.com/appledailyent