《蝙蝠俠對超人：正義曙光》（BatmanvsSuperman：DawnofJustice）聽日上映，好多人都想知到底兩大英雄人物點解要對決，同埋作為血肉之軀嘅蝙蝠俠，點樣可以打贏神級嘅超人。

電影一開始就講返蝙蝠俠班亞弗力嘅出身同由來，跟住就講返上次喺電影《超人：鋼鐵英雄》亨利卡維飾演嘅超人，將葛咸城破壞咗9成，令到蝙蝠俠好憎超人，加上奸角謝西艾辛堡利用超人女朋友去陷害超人，誣蔑佢殺咗一條村嘅人，所以為公為私，蝙蝠俠都要出手對付超人。要對付一個神級對手，蝙蝠俠諗咗條絕世好橋，就係用氪石製成嘅子彈向超人狂轟，雖然超人可以輕易接住，但氪石令佢威力大減，最終都係不敵蝙蝠俠。當然故仔最後兩個人都冰釋前嫌，同神奇女俠一齊合力對付謝西艾辛堡製造嘅怪獸Doomsday，亦都係成套戲3大對打場面中最精彩一場。好多人關心係除咗一開始就講羅賓死咗之外，會唔會再有角色犧牲？可以話嘅係今集都會有角色在戰鬥中陣亡。