由金智媛、朴敘俊主演嘅《三流之路》噚晚播出第10集，今集金智媛同朴敘俊感情大躍進，兩人終於由朋友變成戀人，朴敘俊情深咀嘴金智媛後話：「唔會再錯過你了，吻了就算第一天，我哋交往吧！」

噚晚一集雖然兩人首次咀嘴，但收視不升反跌咗0.9%，但仍然以11.2%收視穩坐同檔冠軍。至於同檔由周元、吳漣序主演嘅《我的野蠻女友》噚晚播出第15及16集，收視分別有8.3%及10.3%，排同檔第二名；《守望者 》則以8.5%及8.6%收視，包尾墊底。