【李八方online】劉小麗宣佈退出工黨：以另一種方式同行合作
蘋果日報 2020/09/09 23:22
工黨小麗民主教室劉小麗李八方online
工黨呢排似乎有啲嘢喎。繼早前創黨成員梁啟智退出後，黨齡兩年左右嘅前議員劉小麗，今日亦宣佈退黨，仲話呢次離開同希望工黨回應時局轉變，但係一直未有理想效果有關。
兩年前因應立法會補選而加入工黨嘅劉小麗，今晚喺社交網站宣佈，佢個人以至小麗民主教室都會退出工黨。對於點解要走，佢略略提到自己一直希望幫工黨增添力量，「促進左翼回應急速轉變的時局」，不過「可惜因各種複雜的問題，一直未有理想效果」，於是就要退黨。不過佢都話退黨「並不代表隔絕，只是尋求另一種方式，在擁抱相近理念的基礎下同行合作」。
劉小麗嘅口吻同5日前梁啟智退出工黨時好接近，當時梁啟智話工黨領導層喺「放下往日爭拗，正面回應本土思潮」問題上「久久未見實際行動跟進」，睇嚟工黨真係要好好諗吓發生咩事喇。
-----------------------------
《蘋果》英文版免費試睇：了解更多