鬼妹仔「小茜」(陳明恩)同肥妹仔「細細粒」(陳嘉佳)今日都有去將軍澳出席《老表，你好嘢！》之「老表報喜迎新春」，「小茜」勁受歡迎，一頭金髮好sharp醒，出場時亦有唔少市民搵佢影相，小茜都有求必應，更好醒目帶定自己隻碟派俾劇中其他演員。見「小茜」手拎新年物品，其實「小茜」每年都係香港過年，佢都好清楚新年傳統習俗0架。

至於肥妹仔「細細粒」陳嘉佳（小寶），多粉絲唔在講，喺台上大玩遊戲，又寫揮春，小寶就寫咗「大魚大肉」。唉，真係本性難移，連寫揮春都掛入住食！

且慢……頭先咪講咗同場有香香岑麗香嘅，佢班宅男fans呢？點解冇人為佢起哄嘅？唔通過晒戶去晒小茜同細細粒嗰度？