人氣經典漫畫《浪客劍心》多年來深受歡迎，可惜原作者和月伸宏日前因藏有女童裸體DVD被捕，涉嫌違反兒童賣春及兒童色情禁止法，案件已被日本警方送檢。

現年47歲嘅和月伸宏被警方在辦公室及寓所搜出不少10歲至15歲嘅未成年少女裸露影片，照日本法律規定，持有未成年兒童色情影片面臨被判1年以下徒刑，或罰款100萬日圓（約7萬港元）。

和月伸宏原名西脇伸宏，今次被捕令佢難以翻身，連帶《浪客劍心》都被抽起，先係今年9月喺《Jump SQ》開始重新連載嘅「北海道篇」，集英社方面已決定停止連載。朝日電視ch已於周一起停播，而CS放送嘅電影頻道原定聽日一口氣播出《浪客劍心》嘅真人版電影，都因醜聞要改播其他電影，唔排除呢套作品從此絕迹螢光幕。

其實由佐藤健主演嘅三套《浪客劍心》電影，合共累積120億日圓（約8.16億港元）票房佳績，隨住和月伸宏被捕，原定明年春天籌拍嘅第四集都計劃泡湯，消息令廣大粉絲大受打擊。

更多娛聞，喺晒《娛果》
http://fb.com/appledailyent