嘩!今年嘅米蘭時裝節,除有最新款嘅時裝展出外,重有車你睇㖭!或者大家聽到呢個消息之後,心中都會有個疑問,點解時裝節會有新車參展呢?其實原因好簡單,皆因時裝界著名品牌GiorgioArmani與德國平治車廠合作,推出全新平治CLKGiorgioArmaniDesignCar嘛!
新車外表雖與現有CLK跑車相近,但其內外裝飾及車身顏色配搭,則由GiorgioArmani負責;而車子由今年5月開始設計,到9月成事,全賴雙方嘅設計師通力合作,才可以於短短四個月時間內,將車子由概念變成事實。
正如前文所述,新車嘅外表雖然與原有型號相近,但車身顏色就用上GiorgioArmani慣用嘅沙黃色作配搭,襯托響相近顏色示人嘅軟篷頂組合,望落倍見吸引;就連車廂亦有改動,如將原有桃木裝飾全部拆取,取而代之會係銀白電鍍裝飾、與車身顏色相同等等嘅物料,就連座椅亦用上啡色嘅Cuoio皮革及Sabbia光身物料製造,承托力高之餘又見突出富吸引力。
據聞新車會於米蘭時裝節後作全球性巡迴展出,隨後更會透過平治嘅DesignoProgram,以限量形式發售予有興趣嘅車迷㖭!