消防喺火海、意外拯救市民，鐵漢都傾向將壓力收收埋埋。閃燃爆發嘅畫面、殉職伙記最後一個眼神，都好易令硬漢爆煲。消防處三年前成立咗個壓力輔導組，105名成員全部義務形式入伍，由控制中心人員、救護員到消防員，乜職級都有，至今已幫150同袍釋懷。
輔導組負責人、副救護總長楊世謙話，有需要嘅消防員初時多數都唔出聲，經過數次引導，十居其九都流下男兒淚。《火速救兵》第二輯明晚7點半無綫翡翠台有得睇，第一集就係講工廈冲天大火閃燃爆發，事後一班大男人點樣經過同事輔導，走出陰霾。