美國加州北部山火失控，造成至少11人死亡、逾100人受傷，係加州史上導致最多人死亡的山火之一，美劇《漢娜的遺言》（13 Reasons Why）續集拍劇亦因此叫停。

據《Deadline》報道，《漢娜的遺言》續集正喺瓦列霍（Vallejo）展開拍攝，但因為山火失控及濃煙密佈，拍攝已經停止，演員同工作人員已經離開拍攝地，待火勢受控後，希望可於周日恢復拍攝。

而男主角Dylan Minnette亦於社交網站留言，佢話《漢娜的遺言》好多場景都喺加州北部受山火影響嘅地區拍攝，並向所有災民送上愛。