「20萬改裝費是值得的，這是James比賽用的甩尾車，粉紅迷彩車身，一系列碳纖車身部件，機械上也有特別的設定。」

若果有一日當你中了六合彩，獎金多到可以買完山頂豪宅再買多幾部車，而當中的Target又是一部跑車的話，你就發覺汽車顏色永遠只得黑、白、紅、銀和黃，無晒性格，至於James這部大改日產Fairlady，原本也是白色車身，但上方貼滿經由專人設計嘅粉紅色迷彩防水膠貼，甚麼？粉紅色姣扽扽似女人？我又真係唔多覺，而且仲好潮㖭，乜你唔覺個Style好似BathingApe？
老友，睇吓部車在外觀上還有甚麼好東西……唔係嘛，仲睇唔到？外觀上嘅改動仲有4條18吋5輻式EnkeiRP03TypeC合金胎軨、Varis碳纖車身部件跟FujitsuboLegalisR死氣喉等等，揸佢出街一定會取得好收視喇！

「機械配搭改動主要是為了玩甩尾，其中單是一套懸掛已值3萬多元。」

這部堪稱甩尾王的Fairlady，全車改動得最多嘅地方係機械部份，無咗佢哋，玩甩尾又點可以玩得好呢？
據James表示，它是根據日本的Drifting規格改裝，所以佢嘅機械配搭係為了玩甩尾而生，而所使用的配件也有如在恒河沙數般，數極都數唔完。首先睇睇引擎室，最容易睇到嘅有K&N風隔套裝和Summit前頂巴，殊不知看不到的還要多，例如ATSL.S.D.限滑差速、Cusco上搖臂、ORCPRO雙層碳化離合器等，價值最高嘅係ZealFunction×Series跑車懸掛，高達3萬多元！

「本來已是跑車化的車廂設計，但玩甩尾就需要改動。」

個車廂本身都已經好Sporty，有跑車化錶板之外仲有埋跑車桶椅，要改嗎？我覺得唔使喎！但當你細心留意之下，便會看到軚盤是日本甩尾高手織戶學所推出的3幅式專用甩尾軚環，好揸手之外仲好靚仔㖭。

1.K&N風隔套裝
2.FujitsuboLegalisR死氣喉
3.CoolMax鋁合金水箱
4.ATSL.S.D.限滑差速
5.ORCPRO雙層碳化離合器
6.Cusco上搖臂
7.ZealFunctionXSeries跑車懸掛
8.VarisArising-II泵把
9.Varis碳纖裙腳及尾裙腳
10.Varis3D碳纖尾翼
11.VarisZ33透氣碳纖頭冚
12.VarisZ33碳纖尾冚
13.EnkeiRP03TypeC合金胎軨
14.YokohamaAdvanNeovaAD07輪胎
總計：約20萬元

經常作甩尾表演的James特別提醒大家，如果要玩甩尾，一定要先找專人教授，並要到合適的車場玩，千祈唔好隨便在街或者停車場玩，免得危及他人。
至於玩甩尾時，開車前要先交叉手去量度自己跟軚盤的距離是否適合，仲要檢查輪胎氣壓是否足夠及平均，開車時也要放鬆，看清車旁有否別的東西會撞倒。初學者用的車最好是日產的Silvia，因為它操控容易和有Turbo，要玩起上嚟都易啲嘛！