【63 Pokfulam】麥包孟母上身:住近HKU 讀書都叻返
麥長青新盤九建
【新增影片】
九龍建業(034)市務及銷售部總經理楊聰永表示,西營盤63 Pokfulam今日暫已有500人參觀,稍後會於中西區不定時進行路演,明日正式收票,銷售安排視周末參觀入票情況,但應該會考慮分A、B組,會以大手優先。首批70伙價單市值6.5億元。料今年樓價可再升5-8%。
另外,項目售樓處今日又有名人撐場,為同系紅磡環海·東岸的買家麥包(麥長青),他大讚樓盤位置好,三房合家庭客,「小情侶、或者啱啱結婚,可以買三房,兩個住先...有BB更加要買,因為對住Hong Kong U,自細受大學薰陶,呢個係好好嘅氣氛底下讀書都會叻返。」
麥包又話發展商起一些細單位予年青人上車是好事,但今日只是陪朋友來睇,因為自己有優先參觀權,自己就要再睇睇手上資金調配,再決定會否入市,又指當日買到環海·東岸都是因為有9成半按揭先買到。
他又認為,年青人靠父母幫手上車是好事,自己買第一層樓都是父母幫手,他指:「啲人金融界呀、地產、律師,其實佢哋afford得到去供樓,未必一次過拎咁多首期出嚟,呢個可以同屋企人商量。」
對於項目呎價達2.8萬元,他則認為是「百貨應百客」。
掌握財經生活資訊,即Like「蘋果ATM」fb專頁啦!
http://fb.com/appledailyatm