日本組合SMAP、嵐同KAT-TUN所屬嘅尊尼事務所，近排鬧出人事鬥爭，盛傳公司正發生大地震，高層飯島三智可能會帶住多位愛將離巢。

正當公司立立亂之際，社長Johnny喜多川近日亦收到死亡恐嚇，有人噚日喺智能手機社交遊戲網站Mobage嘅會員網頁，寫下「0依家去用刀拮死Johnny喜多川」字句，有人發現字句後報警，暫時行兇動機未明，而案件正由赤坂警署進行調查。