江若琳和老公蕭潤邦（Oscar），今日在中環參與瑜伽活動，跟專業導師做出簡單動作，不過Oscar明顯筋骨生硬，柔韌度和平衡力極低，當導師幫手拉筋時更痛得呱呱叫。

江若琳亦投訴老公：「叫佢同我玩瑜伽佢話舉嘢（健身）就得，會多啲幫佢拉筋。」Oscar亦自認啲筋唔得：「幾廿年冇用過以為唔用得。」江若琳爆老公膽小，最驚玩機動遊戲，兩人日前坐飛機到厦門遇氣流搖晃，更驚得要棄票，翌日要坐動車返香港，江若琳說：「其實我唔驚，係佢勁捉住我，搞到我都驚。」Oscar接着說：「我有畏高，又怕離心力，揸車落斜都有唞唔到氣感覺，可能童年回憶影響，十三歲時玩海盜船玩到掩住心口面都青，要立刻停機動遊戲落嚟，好瘀。」

江若琳得知老公膽量如此，覺得人生好乏味，她慨歎：「呢一生人冇乜娛樂可以玩，滑雪佢驚跌斷腳，潛水驚浸親，坐船坐火車又暈浪，留返喺旺角煎包算啦，第日有小朋友就我自己帶細路去玩。」即使高價邀請拍攝節目，例如挑戰笨豬跳高難度遊戲，Oscar都堅拒說不，因為命仔緊要：「咁即係直接叫我去死，醫藥費都唔夠畀，我唔會逞英，以前成班朋友玩跳樓機，我都係睇住佢哋跳，知道自己應付唔到。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV