《蘋果》讀者羅小姐稱，數月前發現月華街有一間名為「中港兩地通」的巴士營辦商，經營往來觀塘至皇崗過境巴士服務，因長期有旅遊巴士停泊，不斷噴出廢氣，滋擾附近居民，遂向運輸署投訴。
她說，經運輸署職員調查後，得悉該條過境巴士線，原來未向運輸署申請客運營業證，屬違規經營。「我一心一意等運輸署取締，但點諗到運輸署做嘢咁慢，等咗幾個月都重係冇改善過？啲乘客坐呢啲車都危險啦，通常都冇保險，萬一出事就難追賠償。」
「幾個月前我已經打電話去運輸署問有冇牌，諗住佢哋知道冇牌後會跟啦，點知等咗幾個月都重係咁，我惟有向《蘋果》投訴！」
車站只是一張木枱
記者前往車站了解情況，發現車站設在月華街路口，只是一張木枱及架起一把太陽傘遮陰，有職員在場兜售車票，票價每程35元，每半小時一班車，營業至午夜十二時旅遊巴停泊在對面街公園行人路旁候客。
本報曾聯絡該路線過境巴士營辦商「中港兩地通」，但直至截稿仍未收到任何回應。
運輸署書面回覆本報稱，根據紀錄，運輸署未批准任何營辦商，在月華街經營往皇崗過境巴士，但數月前得悉有營辦商在月華街開辦前往皇崗過境巴士，派員實地調查及收集資料，證實該線過境巴士未有客運營業證，運輸署已向營辦商發出警告信，要求停止營運該條過境巴士線。