順應民情執番正前港督府 - 李八方
蘋果日報 2005/04/13 00:00
當奴惹火上場，遭到左右夾攻！做新郎哥，梗係要洞房，身為特首，冇咗個特首府，就好似烏龜冇咗個殼，廢董迷信風水，死都要𦧲番喺嘉慧園，結果嘉慧園就冇辦法保佑佢唔落台！
爵士今勻吸收教訓，斥資兩千萬，裝修經已生滿蠄蟧蛛網嘅前港督府，準備一旦坐正，即時吹啲打坐轎班師回朝，好似皇帝登基太和殿搬番入下阿厘畢道前港督府，正式辦公！
咁樣當然係好正常！堂堂大香港，連座阿頭嘅白宮都冇，唔怪得七年來衰到貼地！對於當奴嚟講，順應民情，撥草尋穴，將座早經荒廢嘅前港督府斥資執番正，香港都會有運行！加埋前港督府，係九七年六月三十日主權移交之前，英國王儲差利仔親自冊封當奴為皇家爵士嘅光宗耀祖之地，當奴梗係對呢個地方充滿感情，搬番入去，梗係應該！
爵士今勻吸收教訓，斥資兩千萬，裝修經已生滿蠄蟧蛛網嘅前港督府，準備一旦坐正，即時吹啲打坐轎班師回朝，好似皇帝登基太和殿搬番入下阿厘畢道前港督府，正式辦公！
咁樣當然係好正常！堂堂大香港，連座阿頭嘅白宮都冇，唔怪得七年來衰到貼地！對於當奴嚟講，順應民情，撥草尋穴，將座早經荒廢嘅前港督府斥資執番正，香港都會有運行！加埋前港督府，係九七年六月三十日主權移交之前，英國王儲差利仔親自冊封當奴為皇家爵士嘅光宗耀祖之地，當奴梗係對呢個地方充滿感情，搬番入去，梗係應該！
嘿，點知泛民主派又帶頭嘈，指摘當奴「提前偷步」裝修行宮！點樣「提前偷步」法呀？係廢董七年大迷信，將座前港督府，用來畀啲維園阿伯開盆菜大鑊飯愛國聯誼會，喺裏面破柴打地鋪，間嘢搞到溶溶爛爛，十足叫做「禮崩府」，維修文物古迹。
見到自己當年由差利仔親自封爵嘅威水寶地，俾啲群眾糟蹋到好似大陸旅遊景點咁，老鼠曱甴有排捉，又點怪得爵士個心赤赤痛？
泛民主派嘮嘈，呢，遲啲土共又可以加埋把口咯喎，重唔係港英餘孽？嗱，登基都搵番英國佬個舊竇，點解當奴唔將特首辦公室搬去北角馬寶道街市呀？等蔡菜子傳召當奴去述職，向愛國同胞滙報施政，都方便啲吖？
當奴登基之後，類似呢亭「左右合流」嘅行動，重有大把機會！呢，泛民主派又發動所謂反日大遊行咯喎！係咪想嚇走日資呀？又話超紐約趕倫敦，咁紐約倫敦呢亭國際大都會，有冇反日示威吖？泛民主派樣樣爭出頭，土共攝位join埋去，當奴好快就變咗孤家寡人！
喬曉陽落嚟，諗住挺當撐奴，自稱以法會友，佢唔知當奴就快連裝修前港督府都冇權㖭！裝修得嚟都一兩年，話唔定當奴到時冇得做，個新房裝修得靚靚，到時輪到唐唐、許仕仁，甚至女特首蔡素玉呀咁，標咗入去，鵲巢鳩佔都唔定呢？
傳真︰2623-9278
電郵︰[email protected]
