平時最鍾意食麪，無論係杯麪、拉麪、哪渣麪……統統都係最愛，原來一田由今日至8月16日舉行「夏麪祭」，啱晒我呢啲無麪不歡嘅人，入面有日本便利店最熱賣杯麪，好似OL手袋麪、YahooJapan!人氣受賞杯麪等過癮杯麪，不過最令我期待係今明兩日嚟自沖繩麪食老店太陽製麪廠做出嘅豬軟骨苦瓜麪及紅芋麪（每碗$49.9），全部由大廚現場即製，仲要限定發售，作為麪迷當然唔會執輸！