現年51歲的李克勤，演出經驗豐富，代表作更是一雙手都不夠數，其中《紅日》更幾乎是開騷必選之一，不過，克勤今日到拉薩出席商演活動，就在唱《紅日》時老貓燒鬚，不夠氣唱，完騷後更要在車上吸氧氣休息。

克勤在IG放片並留言透露：「《紅日》呢首歌大大話話唱咗一萬幾千次，老老實實，我諗就算頭暈身㷫，只要唔係大病都可以憑經驗順利過渡，從來未試過有『唔夠氣』嘅感覺。惟獨是這一次在拉薩，唱完兩首歌還好地地，自己以為冇問題，到唱第3首《紅日》時，開頭兩段還很正常，於是唔識死開始周圍走周圍跳，點知一跳就出事，上氣唔接下氣，中間還停了一句唞氣……」

不慎輕視了海拔3,650米而「唔識死」周圍走跳「浪費」了氧氣的克勤，在車上拍片，並向鏡頭說：「第一次呢，唱《紅日》唔夠氣……」然後他拿着氧氣樽深深吸氧補充，同車的其他人問他感覺如何，克勤停了幾秒答：「好爽咁呀，哈哈哈哈！」幸好，還可以有講有笑。

克勤在文尾還不忘說：「各位同業如果有機會去拉薩唱歌，請聯絡我，我有很多有趣的經驗可以和大家分享。」而今天也有同行到拉薩的盧淑儀似乎不太擔心老公情況，還在post中留言笑說「Naughty boy」。

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9