陳凱琳自揭4大缺點嫌唔夠靚 扮鄭嘉穎經典表情「啊!」取悅網民
陳凱琳兒子鄭嘉穎
前港姐陳凱琳為老公鄭嘉穎生了兩子,分別是1歲鄭承悅(Rafael)和剛滿百日的細仔鄭承亮(Yannick),專心做賢妻良母的她,已暫停拍劇集,只跟KOL「雪姨」合作搞美容產品生意,日前兩人在YouTube拍片玩快問快答,陳凱琳自爆最唔滿意自己下巴同條頸太長。
雖然身為港姐冠軍,但在片中被問到最唔滿意自己的部位?陳凱琳直數自己4大缺點:「我係下巴、條頸太長,啲牙可以再直啲,啲指甲係bb甲,3歲小朋友嘅指甲。」而人生中最嬲時候點發洩?陳凱琳說:「我係好被動,我會離家出走,電話都唔帶,冇人搵到我。」
當被要求即場扮一個人時,陳凱琳不假思索說:「就係我老公」,然後擘大口:「啊!!!」扮鄭嘉穎在TVB劇集《鐵馬尋橋》的經典表情,雪姨睇到都大笑。講到唔夠膽做的事情,陳凱琳說:「跳傘,我試過喺澳門笨豬跳,我跳完之後,覺得好似跳樓,我係冇呢個勇氣,我冇喊到,但真係好驚,坐咗喺地下,嗰個感覺好痛苦,點解我會做?因為嗰次係慈善活動,跳完就籌到款。」雪姨:「下次你直接同我講,我捐錢算啦。」陳凱琳:「咪係囉,啲人咁變態,點解要跳完先捐錢。」
而如果回到過去,會叫18歲的自己千祈唔好做甚麼?陳凱琳說:「我會叫自己玩多啲,唔好讀死書,人生中落club落過兩次。」至於最不堪回首的角色,她指是《張保仔》扮演「黃娣妹」:「次次出街啲小朋友:『呢個咪張保仔姐姐』Sh...唔係我嚟㗎。」如果唔做藝人會做甚麼?她說:「老師,好鍾意小朋友。」而人生中做過最曳的事?就是中學時跟朋友走堂,「偷咗佢uncle架車去買pizza。」
-----------------------------
-----------------------------