特首林鄭拒絕撤回《逃犯條例》修訂，民陣今日再次發起遊行反送中惡法，警方早前於醫院內拘捕受傷示威者惹起不滿。醫管局早前更指示急症室記錄求診傷者的身份，一度被質疑製造白色恐怖。不少醫護界人士今日參與遊行，抗議政府忽視民意、警方暴力鎮壓。

現時44歲的趙寶琴曾任醫管局註冊護士逾廿年，她指不明白為何警察急於拘捕在金鐘因警察清場而受傷的市民，以往在公立醫院工作時從未遇到類似情況，「就算係要拘捕，都係守喺床邊，唔畀佢逃走，完全冇必要即時拘捕。」

就有傷者向醫護人員透露在金鐘受傷便隨即被捕，趙小姐認為醫管局已由上而下滲透白色恐怖，「醫管局任何階層都有白色恐怖，現在呢批管理層好垃圾」，更有指醫護人員被要求紀錄下請假紀錄，「管理層可以唔交，冇咗份工唔洗死，每個階層都應該醒覺，諗下點做」。她指周三警察暴力清場時都在場，「我哋咩都冇做，就變咗暴徒，好愕然」。她認為警察使用的武力過份，「見到事實嘅真相，今日要保護佢哋。」

任職護士的戚小姐表示，過去幾次反修例的遊行都有參與，雖然任職的醫院未曾目睹警方拘捕示威者的情況，但仍然不滿警察到醫院拘捕示威者，「你一係就跟足程序去申請，而唔係依家咁樣無啦啦衝入嚟，醫護有好多醫療程序做緊，我唔知佢用咩方式去查探到病人私隱、係佢要拘捕嘅對象」，認為醫管局要正視病人私隱受到威脅的情況。

戚小姐又指，醫護人員任何時候都以病人安危為先，並不希望有人打擾到醫療程序，「甚至係令病人認為自己喺醫院並唔安全」。她認為，這個星期的事態發展有激發更多醫護人員出來遊行，「先唔講立場，喺醫院入面好多護士都係為人父母，最擔心都係子女安全，喺星期三大家都見到行使武力，係咪合理合適呢？見到好多年輕人受傷都會覺得好痛心」。

33歲的阿銘現職海關，上周日他亦有參與反修例遊行，今日再上街是因為看到周三警察暴力清場，覺得自己要保護年輕人，「就算保護唔到，最起碼都同啲學生一齊」。對於警察暴力清場，「當然唔贊成，上頭畀order落嚟，你可以選擇執行幾多，你支槍射去邊，態度係點，甚至可以sick leave。」

阿銘認為，上周逾百萬市民遊行反修例，惟政府從未聽取民意，「條例咁多人反對，佢聽都唔聽」，遂要趁還有機會站出來表達自己聲音，他認為，以前香港的優勢是自由社會，但若條例通過，會令香港變成內地其中一個城市，「將大陸嘅法例擺入嚟香港」。他指林鄭宣佈暫緩修例，只是想拖延，「而加已經唔單只係條例嘅問題，啲學生點？受傷嘅人點？畀人拉咗嘅人點？道歉呢？」阿銘只有一句話對林鄭講：「落台啦！」

昔日新聞：電視辯論互叫熄咪 曾：你係撕裂2.0 林鄭：會順應民意辭職

相關新聞：【不斷更新】全港大中小學學界聯署「反送中」

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

民陣6.16反惡法遊行

日期：6月16日（日）
集合地點：維園草地
時間：下午2時30分集合、3時正起步
遊行路線：維園至金鐘添美道立法會
（資料來源：民陣）

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多