小米8手機發佈會上星期係深圳舉行，當日混亂安排原本已經惹來唔少媒體不滿，點知發佈會內容仲俾內媒同網友連環踢爆造假！

事源小米創辦人雷軍當日係台上hard sell，話小米8係現時唯一於Antutu 跑分高達30萬嘅手機，足足拋離對手OnePlus 6 成4萬幾分。講到咁犀利，大家緊係要試試佢，點知唔試由自可，一試就見真章，會後好多媒體跑分都只係得25萬左右，同大多數旗艦機跑分差唔多。

除咗跑分唔足，有網友仲發現，發佈會上AI微整形美顏嘅model相，原來只係偷圖，根本唔係用小米8拍攝。而微博用戶 「@手機中國」發佈，聲稱用小米8外景拍嘅風景相，其實都只係用Sony單反拍攝再加水印。

今次俾人捉到正，所以小米官方都好快認咗衰仔。原來跑分上30萬，係要同高通合作優化後嘅MIUI先做到，不過更新版就仲未出。至於張P圖...小米就話從來無講係用小米8影嘅，只係「原理示意圖」，風景相就仲無辜，因為係人地發錯喎。

全球樓行 Dream House零距離
https://hk.feature.appledaily.com/overseaspropert