一向被視為最忠誠支持政府的警隊，為何會在經濟尚未平穩，明知民意不會支持的情況下，為爭取薪酬問題發動遊行？有警隊職方代表指出，警隊上下爭取獨立薪酬機制多年，政府一直不理會，員方情緒可謂「谷到爆」。作為職方代表，面對同袍的群情洶湧，「唔能夠唔做嘢。」
自政府去年11月以經濟差為由，暫緩落實職系架構檢討報告的建議後，警隊上下大表不滿，認為要以激進行為「畀啲顏色政府睇」。

「要向同袍負責任」

當時職方代表已勸導同袍多點耐性，待政府今年6月公佈落實方案，但怎料政府上月再將計劃押後至9月，職方代表即遭同袍圍攻，批評他們軟弱，甚至鬧內訌，「作為代表，要向同袍負責任，唔能夠唔做嘢。」
但與此同時，政府對警隊員方的行動也「企硬」。政府消息指：「警察職方越激，政府越難讓步，因為會被市民同其他紀律部隊視為屈服，所以警察立場硬，政府只有更硬，呢個係管治威信問題。」消息人士形容，警隊職方代表「唔先讓第一步」，政府很難踏出和解的一步，因為政府要向市民及其他紀律部隊工會交代，「家要睇警隊職方代表係咪以大局為重，若佢哋仍然企硬，第日大家坐低傾嘅機會只會更細、更冇彎轉。」
本報記者