杜汶澤幾句客套開場白就逼肥佬黎真情流露,要用粗口叫阿澤少擦鞋,好爆!
一開機,杜汶澤就說蔡瀾是他的偶像監製。
「你紅到咁,擦鞋嘅習慣drop咗佢啦!你老X!」肥佬黎這句「親切的問候」,令阿澤求饒說:「我紅到咁,都係你放過我啫!」登時笑爆全場。話題一起,肥佬黎就請蔡瀾這位電影界老行尊,分享做電影監製的心得。
蔡瀾呷着茶娓娓道來:「好多人知道導演、演員係乜,但唔知監製嘅功能。因為每部電影都好唔同,所以好模糊同多變。」肥佬黎又問:「咁老闆同導演會唔會指定主角?例如嗰個我條女喎,你唔畀佢做主角?」阿澤搶答:「呢啲經常發生!」全場人點頭認同。阿澤續說:「有啲導演好大,唔止地位,仲有性格,監製變咗只係助手。」