中環在線：
滙豐MT親授投考秘笈 - 李華華
蘋果日報 2017/09/26 05:20
中環在線豐MT數碼老友記
何柱堅（左）同何妍樺兩個滙豐MT話team work同自信對考MT都好緊要。
銀行MT（Management Trainee）起薪點高，一向被視為大學畢業生筍工。滙豐零售銀行見習行政人員10月29日將會截止報名，就等兩位滙豐MT同大家講吓貼士！
何柱堅（Kenny）同何妍樺（Sharin）回想考MT嘅過程，其實主要通過網上測試，同長約半天嘅評估日（Assessment Centre）兩關。
何柱堅（Kenny）同何妍樺（Sharin）回想考MT嘅過程，其實主要通過網上測試，同長約半天嘅評估日（Assessment Centre）兩關。
籲勿視其他人為競爭對手
Kenny教路，評估日會有個人面試、亦需要同其他人合作完成任務，所以一定要有合作精神，「唔好覺得其他人係競爭對手，因為如果成team表現好，其實可以請晒」。至於考核內容，本身讀金融嘅Sharin就話，同學校平日教嘅差唔多，最緊要都係要有自信。
其實一班MT能夠脫穎而出，當然唔止做好一份工咁簡單。好似Kenny、Sharin同另外4位MT完成首個部門實習後，就發現老一輩客戶好多時都掌握唔到數碼產品，所以主動提議推動「數碼老友記（Cyber Seniors）」義工活動，向社區中心捐助電腦之餘，仲抽時間去社區中心教長者上網同電腦知識。
目前滙豐已經捐咗250件電子產品畀一班長者，涉資約70萬元，受惠人數超過1.5萬人，遍及12個社區中心。
其實一班MT能夠脫穎而出，當然唔止做好一份工咁簡單。好似Kenny、Sharin同另外4位MT完成首個部門實習後，就發現老一輩客戶好多時都掌握唔到數碼產品，所以主動提議推動「數碼老友記（Cyber Seniors）」義工活動，向社區中心捐助電腦之餘，仲抽時間去社區中心教長者上網同電腦知識。
目前滙豐已經捐咗250件電子產品畀一班長者，涉資約70萬元，受惠人數超過1.5萬人，遍及12個社區中心。