「房東」涉毒事件，近日傳出仲有120個演藝圈嘅人牽涉其中，不過北京公安局今朝就喺官方微博澄清，話冇呢120個藝人嘅名單，只係謠言。

另外，據台灣傳媒指，台灣女模特兒陳敬宣因與房祖名出遊被拍，被懷疑涉毒，佢噚晚召開記者會，出示噚日下午到檢驗所作嘅尿液檢驗報告單，檢測報告佢嘅大麻檢測呈現陰性，證明佢嘅清白，未吸食大麻。

陳敬宣因擔心自己嘅不實爆料會影響父母，故提起父母即落淚：「我爸媽都很相信我，爸爸之前還會拿我拍到廣告給同事看，我不知道他們該怎麼承受這一些，不想讓家人丟臉，所以希望趁這機會，證明自己的清白。」就算接下來若有檢驗頭髮，佢都話願意。

陳敬宣表示與房祖名只係見過3次面，佢讚祖名人好又風趣，對於今次大麻事件，係咪影響彼此友情？佢話：「我不會因為這件事影響對他的看法。」