美國天后瑪麗嘉兒（Mariah Carey）嘅55歲患愛滋病家姐Alison A. Carey ，上周五於美國紐約州涉嫌賣淫被捕。據當地警方表示，因為於網上發現Alison登色情廣告兜客，廣告附上兩張Alison嘅照片，並寫到「我係一個美麗嘅女士尋找男士，俾到你樂趣同快感，有能力令你感到地動山搖。」廣告中亦附上瑪麗嘉兒歌曲《Fantasy》嘅歌詞。

警方接到線報Alison於當地一家酒店外兜客，因而展開放蛇行動，搵警員扮嫖客向Alison問價，於交收金錢時將佢拘捕。據悉Alison已於酒店外兜客了一星期。警方呼籲有同過Alison進行性交易嘅人士要做身體檢查，檢驗有否患上愛滋病。目前Alison被拘留，獲准以1,000美元（約7,800港元）保釋，後日要上庭。

瑪麗同家姐於90年代已經反面，Alison曾透露要靠賣淫養家，曾經染上毒癮，年前亦因家中被打劫而令脊骨受傷，瀕死邊緣時曾向瑪麗求助，不過瑪麗都冇理佢。