當年今日
關於我們

【得票包尾】秋生今fb再踩周博賢:除咗攞梁振英嚟消費仲有冇第二招?

蘋果日報 2016/12/12 11:13

汪明荃鄺美雲黃秋生周博賢選委會

一朝早秋生似乎有啲火!!!!
選委會選舉點票完成,今日公佈唔同界別嘅結果。連日秋生暗寸音樂創作人周博賢,事關音樂創作人周博賢、視覺藝術家周俊輝等15人,早前組成「文化同行」參選特首選委會選舉(新聞連結: http://bit.ly/2h4DMgp ),主張反對特首梁振英連任、反對人大8.31決定、爭取雙普選及廢除功能組別(新聞連結: http://bit.ly/2hjRnBb )。
文化小組(15席)結果出爐:鄺美雲、陳永華、林仚、陳健彬、阮兆輝、莫華倫、李錦賢、陳起馨、李焯芬、汪明荃、姚珏、高志森、周振基、王英偉、區永熙。由周博賢與楊雪盈領軍的15人名單挑戰失敗,全軍盡墨,而獨立參選的黃秋生則得票包尾……
秋生今日又再喺facebook再出招踩周博賢,寫道:「我真係冇法再忍受聽嗰啲廢話,除咗攞梁振英嚟消費仲有冇第二招?例如要求第二啲特首候選人有乜嘢政綱?你為所代表嘅業界爭取乜嘢咁?冇呢,行開啲啦,由朝到晚梁振英,梁振英,梁振英,仲有冇第二句?人哋都話唔選咯,冇咗呢條反梁大計,諗過第二條橋啦,十下十下,仲死鑽落去,死話佢選唔選到o依家仲未知,你話呢?」(新聞連結: http://bit.ly/2hkrezo )
咁早前特首梁振英忽然宣佈唔連任,秋生回覆都有啲煞有介事……條氣唔多順……「咁嗰啲反對梁振英連任為主要目標嗰啲咪好失落?都話啦,人哋都未話要選,反乜啫?反對一啲唔存在嘅嘢,做實事啦,咁o依家佢哋應該做乜呢?」(新聞連結: http://bit.ly/2gqtGTb )!