香港人力抗送中惡法，在周日有200萬+1人上街，民怨沸騰，今日特首林鄭月娥再開記者會，親口向香港人道歉，但卻態度強硬拒用撤回字眼，只說已停止草案立法工作。網民都狠批特首廢話，曾參與6.16遊行的藝人都唔收貨。

樂隊RubberBand成員泥鯭插林鄭講誠意得把口，並提出五大訴求，要求林鄭問責辭職：「真係有誠意嘅話，就直接回應市民嘅訴求：撤回惡法、收回暴動定性、釋放反送中被捕人士、撤消起訴、問責辭職……唔係口講誠意，心裏同香港市民鬥氣。」

至於在6.16帶埋爸爸遊行的袁彌明，以短訊回覆：「冇人會收貨，多此一舉，佢係幫緊7.1遊行吹雞！」

-----------------------------
你撐蘋果 我捐$1
支援反送中抗爭者