喺韓版《流星花園》（韓劇名：花樣男子〉中飾演美作角色嘅33歲男星金俊，雖然憑《花樣男子》人氣急升，但卻未能好似同劇嘅李敏鎬、金賢重等爆紅。

而金俊近年都冇新作，對上一次作品已數大前年MBC Drama嘅劇集《太陽的都市》了。今日韓國方面就傳出金俊已結婚三年嘅消息，近日仲做埋爸爸。

據《日刊體育》報道，金俊受訪時坦言大前年與同齡嘅圈外女友結婚，由於女友做文職，所以佢哋秘戀九年都冇被發現。兩人組織家庭後，近日已榮升做父母，組織幸福家庭。

之後金俊喺Instagram公開自己拖住愛女喺公園散步嘅相，場面溫馨。

更多韓流，喺晒《娛果》
http://fb.com/appledailyent