界女神Angelababy自上月簽約日本Avex後，除了拍攝廣告，還會推出唱片、寫真集和拍電影等，全力強攻日本。Angelababy之前只為日本少女雜誌擔任模特兒，現時身價不同了，最近她就升級亮相走華麗野性路線的日本時裝雜誌《Glamorous》。

Baby今次在木村的御用造型師野口強的專欄中現身，專欄今期以「girlsbeglamorous」為題撰寫泳衣專輯，在港惜肉如金的Baby乖乖以比堅尼配襯其他服飾，演繹性感型格。見她穿上比堅尼襯上黑色露臍上衣，輕躺梳化大騷長腿，時而型格叉腰、瞓地舉腿或誘人嘟嘴，散發成熟韻味。
野口強在雜誌內寫道：「今次拍這輯相以水着為主題，在泳衣套上恤衫、牛仔褲，沒有那麼單調，也可以散發成熟大人的性感。」
Baby昨日在電話中透露該專輯是上月在日本拍攝，她說：「拍咗6個鐘頭，轉咗4個造型。野口強係殿堂級，我都係第一次同啲咁勁嘅人合作，之前一直好期待，越拍越興奮。」她謂今次見識到日本人嚴謹作風，她說：「今次真係發覺佢哋好專業，化妝師一見到我，望吓我塊面，就決定即刻幫我做facial同按摩，等我relax同好狀態啲，形象每幫我換完一次衫，都要睇5、6次，各人都點頭先開始影，所以都好期待睇番出嚟嘅效果。」

Baby謂雜誌昨日一出街，已買入收藏，問Baby影泳衣可會尷尬？她說：「之前都拍過，覺得靚得性感就OK，今次會畀自己85分，等自己有進步空間。」
採訪：LawWaiMan