憑電影《我的少女時代》走紅嘅王大陸同大熱內地網劇《太子妃升職記》主角張天愛，自從公布會合作拍新戲《鮫珠傳》之後，網民即刻幫佢兩個加咗個「天地組合」同「黑白配」嘅稱號。

噚日張天愛同王大陸現身橫店出席電影開鏡活動，佢哋即場比拼電影經典冧招，由《亂世佳人》嘅公主抱，到《鐵達尼號》嘅熊抱等，最後大陸不經意地脫去自己外套，披在天愛身上，盡顯「暖男」風度，贏盡台上台下每位少女的芳心。

《鮫珠傳》故事係講一個聰明嘅賊、一個盡職嘅捕快同一個單純嘅王子，三個性格唔同又互不信任嘅人，意外進入一段充滿愛同勇氣嘅奇幻故事。男主角「泥空空」係一個油嘴滑舌嘅飛賊，首次接觸奇幻電影嘅王大陸話：「角色的痞氣和我一點也不像，其實我本人很有責任感的！」

講到內地網民將佢同張天愛封為「天地組合」、「黑白配」，佢話：「『黑白配』的組合我覺得很好啊!天愛是個很棒的女孩子。」而《鮫珠傳》係張天愛第一部電影處女作，戲中飾演揚善懲惡嘅捕快，佢話：「其實我可算半條漢子，從小就愛看武俠片，特別羡慕裡面的人能飛簷走壁，所以自己一直有一個英雄夢，想保護身邊的人，這部電影也算是為我圓了兒時的夢。」