【議規大戰】邀建制派赴婚宴捱轟 AY:作為黨魁不能小器
結婚建制派議事規則楊岳橋
《議事規則》修訂通過前一星期,公民黨黨魁楊岳橋「小登科」設酒會宴客,部分網民批評他邀請支持修訂的建制派議員出席,與他們高興合照,質疑楊在議事堂批評「敵人」時有多真心?楊岳橋反駁,邀請議員同事出席是基於禮貌,自己一言一行也代表公民黨,不能「小器」:「唔通我黑著面對著人咩?到你自己結婚嗰一天,你會明白。」
楊岳橋指,曾結婚宴客的人也清楚,邀請賓客出席自己婚宴是出於禮節、傳統,故未必每位賓客也是自己很想宴請的人,同時礙於自己身份,有些人一定要請:「有時有啲三姑六婆你唔想請,你都要請,我喺呢方面係比較傳統,同時我係公民黨黨魁,我做嘅嘢有時係會比人算喺公民黨頭上,我唔能夠太小器…出席你婚禮嘅人,未必個個都係你自細長大嘅好朋友。」
他就此打個比喻,「喺第一次世界大戰,1915年嘅聖誕節,德軍與英軍都會停火,雙方士兵踢咗場波,連兵戎相見,都尚可以停火,踢番場友誼波,更可況我哋(立法會)?」
有人堅持議會內外,也要敵我分明,劍拔弩張,楊形容這反映過去五年,社會撕裂遺禍至今,但凡反對自己意見的人,便抱不共戴天的仇恨:「你唔係同我一齊,你就係我嘅敵人,到今日呢個情況都冇咁容易化解到,但我不會怪人,不過我覺得做人要有基本禮貌。」
楊岳橋早前小登科邀請支持修改議事規則的建制派出席婚宴,遭部份網民批評。
楊岳橋早前小登科邀請支持修改議事規則的建制派出席婚宴,遭部份網民批評。
楊岳橋早前小登科邀請支持修改議事規則的建制派出席婚宴,遭部份網民批評。
楊岳橋早前小登科邀請支持修改議事規則的建制派出席婚宴,遭部份網民批評。
楊岳橋早前小登科邀請支持修改議事規則的建制派出席婚宴,遭部份網民批評。