時下人人都講環保，太陽能就夠環保喇。話說美國波士頓街頭出現幾張太陽能叉電凳，名為Seat-e，由三位外國少女設計製作，環保又有創意。凳上邊已經插住一條叉電線，只要舒服地坐上去，再將條線插入手機，立即就可以一邊曬太陽一邊叉電，實在方便。建議香港政府大量購入，喺大大小小唔同公園、遊樂場同休憩用地都放幾張，做多啲實事，自然多市民支持。