阮兆祥、徐子珊等今日在九龍灣出席活動，早前祥仔低調離開無綫，有網民表示香港電視圈又損失一名猛將。今日祥仔受訪時表示：「今年係我踏入無綫30年，自己都諗咗好耐，前半年都蘊釀緊。」問到是否外面接job比較好搵？他說：「咁上下啦，其實都想有個突破，兩年前都簽咗王祖藍間公司。」

祥仔又講到未來大計會出新唱片、十月再開個人演唱會，現時都有物色歌曲，至於場地已選定旺角麥花臣場館。問到樂易玲或者余詠珊有否盡力挽留？祥仔表示：「其實同我傾過幾次，但唔好拉人落水喇，而家唔合作，唔代表明年冇。」其實祥仔出道前參加過第3屆TVB8全球華人新秀歌唱大賽，之後參加第二屆全港十九區業餘歌唱比賽得季軍，當屆冠軍是李克勤。而祥仔更在80年代出過兩張個人大碟《序曲、另一半》及《我心深處》。

另外，徐子珊透露最近有好多大陸商演，昨日先在澳門工作，現時搵錢至上未有時間拍劇，問到她會否重返樂壇？她耍手擰頭：「嘩，唔好喇，呢啲嘢留畀祥仔啦！」今日見子珊比早前消瘦，她說：「係呀，近排瞓少咗，又忙緊心理學碩士論文，6月尾要交，交咗先有得畢業。」她透露到5月可能會有電影演出，但仍然要洽談細節。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI